أسئلة قبل ما تجرّب

تقرير الأرباح في سلة يخصم تكلفة البضاعة والشحن ورسوم الدفع والضريبة — بس ما يخصم الخصومات وأكواد الكوبون اللي أعطيتها للعملاء. وما فيه فيه أي خانة تدخل فيها إعلاناتك أو تغليفك أو إيجارك.

النتيجة: رقم أعلى من الواقع. مو خطأ حسابي، هو ببساطة ما صُمّم يحسب هذي البنود.

لا. يقرأ الطلبات والمنتجات فقط. ما يعدّل، ما يحذف، ما يغيّر أسعار، وما يراسل عملاءك. تقدر تفصله في أي وقت من لوحة تطبيقات سلة.

متجر على سلة بباقة بلس أو أعلى. سلة ما تسمح بتركيب أي تطبيق على الباقة المجانية — هذا شرط منها، مو منّا.

لا، وهذي نقطة مهمة. سلة تخزّن المبالغ من دون الضريبة أصلاً، والضريبة تجي في خانة مستقلة. كثير من الحسابات اليدوية تخصم الـ15٪ مرة ثانية وتطلع برقم أقل من الواقع. يقين يقرأ المبلغ قبل الضريبة مباشرة.

يتابع حالة الطلب من أول ما ينكتب لين ما ينتهي. الطلب اللي رجع أو انلغى بعد ما شُحن ما يُحسب مبيعة، ويُسجّل الشحن اللي دفعته عليه كخسارة.

سلة ما عندها حالة مستقلة اسمها «مرفوض عند الباب» — فنعتمد على تسلسل حالات الطلب عشان نفرّق بينه وبين الإلغاء قبل الشحن.

منك. تلصق عمود التكاليف من ملف إكسل عندك مرة وحدة، ويقبل أسماء المنتجات بالعربي. بعدها تعدّل فقط لما تتغير أسعار الموردين.

لا، مو حالياً. تكتب المبلغ يدوياً مرة كل شهر، أو تحطه كمصروف متكرر. الربط التلقائي مع منصات الإعلانات في الخطة، بس ما راح نعد فيه قبل ما يشتغل صح — بعض الأدوات الأجنبية سوّته بسرعة وصار عندها مشاكل في دقة الأرقام.

حالياً يقين يشتغل على متجر واحد لكل اشتراك. تجميع أكثر من متجر في لوحة وحدة في الخطة، مو في النسخة الأولى.

تُخزّن عشان نحسب لك أرقامك، وما تُباع ولا تُشارك مع أحد. لما تفصل يقين عن متجرك تنحذف.

المبيعات نفسها لازم تطابق. الربح لا — ولهذا يقين موجود. لو لقيت فرق في المبيعات نفسها كلّمني على واتساب، هذا شي أبي أعرفه.

نعم، 14 يوم بدون بطاقة. ولأن يقين يسحب آخر 90 يوم من طلباتك فور الربط، تشوف رقمك الحقيقي من أول جلسة — مو بعد شهر انتظار.

حساب قراءة فقط للمحاسب في الخطة، مو في النسخة الأولى.

يقين في مرحلة الإطلاق المبكر. أنا أشتغل عليه مع أول مجموعة تجار — يجربونه على أرقامهم ويقولون لي وش ناقص قبل ما ينفتح للكل. إذا تبي تكون منهم، كلّمني على واتساب.

ما أطلب منك ثقة. أطلب دقيقتين: أربط متجرك وأوريك رقمك الحقيقي لآخر 90 يوم. إذا الرقم ما فاجأك، ما فيه سبب تكمل معي.