بدأت لأن رقمي ما كان يضبط

أنا محسن. عندي متجر ملابس على سلة، ومثل أي تاجر كنت أفتح تقرير الأرباح آخر الشهر وأرتاح للرقم.

لين ما جلست يوم أحسب بنفسي على إكسل. طلع الفرق كبير — ومو خطأ بسيط. سلة كانت تحسب مبيعاتي قبل الخصومات اللي أعطيتها، وما فيها أصلاً مكان أدخل فيه صرف إعلانات سناب، ولا التغليف، ولا الطلبات اللي رجعت من عند باب العميل بعد ما دفعت شحنها مرتين.

رحت أدوّر على أداة تحل هذا. لقيت أدوات ممتازة — كلها لمتاجر شوبيفاي، وكلها بالإنجليزي، وما وحدة منها تفهم الدفع عند الاستلام ولا تابي ولا مدى. والموجود على سلة إما ما يحسب الإعلانات، أو غالي بشكل ما له معنى.

فقررت أبنيه.

ليش الاسم يقين

لأن المشكلة مو نقص أرقام — الأرقام موجودة. المشكلة إنك ما تدري أي رقم تصدّق. يقين يعطيك رقم واحد تقدر تبني عليه قرار: تكبّر إعلان، توقف منتج، ترفع سعر.

وش أوعدك فيه

ما راح أبيعك لوحة مليانة رسوم بيانية ما تستخدم منها شي. ولا راح أرفع عليك السعر كل ما كبر متجرك. ولا راح أقول لك "نسحب صرف إعلاناتك تلقائياً" قبل ما أتأكد إنه يشتغل صح — لأن هذي بالذات أشهر شكوى على الأدوات الأجنبية.

وإذا جربته وما نفعك، قول لي وخلاص. ما راح أزعجك.

وين يقين الحين

في مرحلة الإطلاق المبكر. أشتغل مع أول مجموعة تجار سلة — يجربونه على أرقامهم الحقيقية ويقولون لي وش ناقص. أول 50 متجر ياخذون سعر 99 ريال مثبّت لهم للأبد.

إذا عندك متجر على سلة وتبي تعرف رقمك الحقيقي، كلّمني.